بسم الله الرحمن الرحیم ظالیم لر اوقدر ظلم الییوب هدن آشوبدی بیر عده سئیوب ملتی احوالی چاشوبدی فرصت اله گلجک گوتوروب پوللاری قاچسون تا ملت علیه ینه گدوب معرکه آچسون بیر عده اولوب شرمسار، اهل عیالیندان بیر کس ده که یوخ تا سوروشا احوالاتندان بانک لاردا دوتوب شیشیه، مردوم قانینی قایتارمیا گر وامی الاجاق جانینی شغلی اولانون حالی پریشاندی نه چاره بیکار اولانین مشکلینه کیم ائده چاره هر نه واروی ائوده ساتوب بیر شئی یوخدی حالین سوراسان ،درد و غمی، غصه سی چوخدی

شیلش داغیم سنده گللر چیخاندا . بولوط لارون کوینک لرین سیخاندا سیل ده گلوب باخچه لاری یخاندا سلابتون اوجالداردی باشلاری. گورنه گوزل بزییر داغ ،داشلاری. شیلش داغیم قوی باخیم بیر ادووا .کچمیشلری سالم من بیر یادووا . قوربان اولوم سنون گوزل دادوا . چوخلی خاطره لر سنده یاتیبدی طایفالاری بیربیرینه قاتبدی . شیلش داغیم کهلیک لرون اوچاندا. شیکارچیلار دالیسیجا قاچاندا . قوزقون گویده قندلرین اچاندا . ایله بیل کی منیم روحم اوردادی .